10. उधारकर्ता
यहोशु नें मरवा बाद मं इस्राएलियां वें परमेश्वर नीं आज्ञाओं नूं पालन नहें करु। अनें नहें परमेश्वर नां कायदा पाळां अनें वसेला कनानियां नें बारता नहें काडयां , इस्राऐलियों वें, यहोवा जीं हासों परमेश्वर हें ऐनी जगां माथे कनानियां नां देवताओं नीं भ्क्ति करवी सलू करी । इस्राएल नों तणां समय मं काणेस राजा नें हेथो अनें हर कोणे इं काम करें हें जीं अणनें ताजु लागें । केम कें इस्राएली आखोदाहणू परमेश्वर नें धोखों आलें रयां हेतां । ऐतरें परमेश्वर नों करोध अणं माथें भड़खें ग्यों अनें अण नें दुश्मनं नें बाढ़ां मं ले लेदां । अनें फेर अणं दुश्मनं नें अगड़ ऊबां नहें रें सकयां। अनें दुश्मनें इस्र्राएलियां नीं सीजं नें लूटमार करें लेदी। अणनी सम्पति नें खतम करें देदी , अनें हातें-हातें घणं नें मोत नां घाट उतार देदा। घणं वरह बाद मं इस्राएलियां वें परमेश्वर थकी पसतावों करयों अने अणे वसाड़ां।परमेश्वर अणं थकी इं वासा बान्धी हेती के इस्राएलियां नें लूट थकी वसाड़वां नें हारु न्यायियों नें परमेश्वर वें ठहरायां अनें इस्राएलीं मनखां परमेश्वर नें भूलवां लाग्यां। अनें परायां देवतां नें वाहें सालतां जायेंन अणं नीं भक्ति करवां लाग्यां । अनें परमेश्वर वें मेड़नां ऐक टोळों जीं कें मिधानियां नों रेहें अणनें आज्ञां आलीं कें अणनें हराव दों।परमेश्वर वें अणनें हात वरह होदं मिधानियां ने राज मं राख्यां । अनें मिधानियां नीं समक हारु इस्राण्लियां वें डोगोरां मं ओंडा खाडा अनें दऐड़ां अनें किलां नें अणं नें रेवां हारु स्थान बणावें लेदां । अनें इं परमेश्वर नें हामं सिसावां लाग्यां कें इं अणनें वसाड़ें।ऐक दाड़ोंं इस्राएली मनख जेनूं नाम गिदोन हें इं गोवं नें ऐक दाड़ों हातें रयों हेतों, ऐतरें कोणें सोरें नें लें जायें। अनें यहोवां नों दूत गिदोंन कनें आयों अनें केदूं ,ताकतवर योद्वां इस्रएलियां नें तूं मिधानियां थकीं सोढ़ाव लें।परमेश्वर वें गिदोन नें तणीं वेदियां नें गेरवां नें हारु केदूं के। गिदोन मनखं थकीं समकें गयों ऐतरें इं रातर नां समय नीं वाट जोवीं । तरां अणायें तणीं वेदीं नें गेरवें नाखीं अनें तेनें तोड़ेनें बटकां-बटकां करें दे दीं। अनें तणीं जगां नें माथें परमेश्वर नां ठहरावलां कायदां नें वाणयं ऐक वेदीं बणावें नें बलिदान नें सढायूं। सेर नां मनखं परबात मं उठें नें देखें हें कें जीं बाल नीं वेदीं हेथीं इं गरेलीं हें । अनें इं घणस गुस्सा मं हेथां। तरं मनखं गिदोन नें घेर ऐनेंं मारवां नें हारु गयां, पोण गिदोन नां बां वें केदूं कें ''केम तमों बाल देवतों नें हारु वाद-विवाद करें रयां हें , केम तमों ऐनें वसाड़वां नां हें ।''अनें इं परमेश्वर वें तें खुद ऐनें वसाड़ लें , ऐतरें अणवें ऐनें नहें मारयों। फेर मिधानीं इस्राएलियां नें फेर थकीं लूटवां आवें गयां, अनें जीं आयां इं घणस हेतं अनें अणनीं गणतीं नहें करें सकतां। अनें गिदोन वें हेथं इस्रएलियां नें भेगां करयां मिधनियां नें हातें लड़वा। परमेश्वर वें इस्राएलियां नें वसाड़वां हारु गिदोन नीं पारखं करें । ऐतरें अणें परमेश्वर थकीं बेयं लिसाणीं नें मागीं।पेंल गिदोन वें केदूं कें, हूं ऐक सितरु डोगोर मं मेनवां नों हें अनें तणां सितरां नें माथें ओस पड़ें अनें हेथीं जगां हुकीं रें जायें। अनें परमेश्वर वें ऐवूस करयों ,अनें बीजें रातरें अणें केदूं ,कें सितरों हूकों रें अनें हेथीं धरतीं नें माथें ओस पड़ें अनें परमेश्वर वें आं हेादों करयूं।32,000 इस्राएलीं गिदोन कनें आयं, पोण परमेश्वर वें केदूं कें आं घणस हें । ऐनें बाद गिदोन वें 22,000 मनखं नें पासां मोकल्यां ,अनें जीं लड़ाई थकी समकें रयां हेथं परमेश्वर वें गिदोन थकीं केदूं ''अजूं होदां मनखं घणस हें ''तरां गिदोन वें ताण सों सेनिकं नें सोड़े नें बीजां हेतं नें घेर मोकलें दे दां।तणीस रातरें परमेश्वर वें गिदोन थकीं केदूं कें तूं नीसं मिधनियां नां डेरां मं जां अनें देख इं हूं करीं रयां हें , ऐनें बाद मं तनें जावां मं धरोस मळहें । अनें तणीस रातरें गिदोन मिधानियां नां डेरा मं आयों, तरं ऐक मिधानीं सेनिक ऐनीं घेर वाळीं हातें हपनों वताड़ींरयों हेतों। अनें इं सेनिक ऐनीं बइयेर नें कें रयों हेथों ''के अणां हपनां नूं अरथ हें कें गिदोन नीं सेनां हराव देहें मिधानियां नीं सेनां नें , गिदोन परमेश्वर नें अगड़ नमें गयों ''।अनें गिदोन वें इस्राएलियां नां टोळां मं जायेन ऐक-ऐक आदमी नां हाथ मं ऐक हननाई अनें खालीं माटकों आल्यों अनें ऐनें मयतों ऐक दीवों हेथों अनें तरां परमेश्वर वें केदूं कें जां मिधानी सेनिक हुतेलां हें , तां जाये नें डेरां नें घोमरें घाल दें, अनें गिदोन नां ताण सों सेनिकां नें माटकं मं दीवां ,तेनें थकीं मिधानीं दीवां नीं आग नें देखें नहें सकतां। तरं । गिदोन वें हेथं सेनिकां नें ऐक हातें मटकां नें फोड़वां नूं केदूं अनें ऐकदम दीवां माहीं आग नकळवां लागी। अनें अणनां जमणां हाथ मं दीवां अनें डाबां हाथ मं फोकवां नें हारु हननायें लेंन सिसाई उठयां।'' यहोवां नीं तरुवार अनें गिदोन नीं तरुवार '' थकीं परमेश्वर वें मिधानियां नें हक्का-बक्का करें दे दां, अनें इं ऐक बीजां नें माथें वार करें दड़ों अनें मारवों सलूूं करुं । अनें बीजां इस्राएलियां नें अणनां घेरां माहां हादें केदों तें होदां मिधानियां नों पीसों करें सकें। अणवें घणस नें मारें नाख्यां अनें जीं रेदेलां हेथं तणनें इस्राएल थकीं नहाड़ दे दां। अने तणें दाड़े बारें हजार मिधानियां नें मारेंं नाख्यां अनें परमेश्वर वें इस्राएलियां नें वसाड़ें लेदां।तरां इस्राएल नें मनखें गिदोन नें केदूं कें तूं अमारें माथें राज कर, तें गिदोन वें केंदूं कें हूं तमारें माथें राज नहें करवां नों पोण हूं तमं थकीं कईक मागवां नों हें , तमों मनें होनां नां वाळयां आलों जीं तमें मिधानियां नीं लूट मं लेदां हें । अनें मनखं वें वगर गणतीं नूं होनू आलें देदूं। तरां गिदोन वें होनू लेनें ऐक खास सितरां बणावं देदां जीं कें मिधानीं राजां पेरतां हेथां। पोण मनखें तेनें भक्ति करवीं सलूं करें देदीं कें आं राजां हें ।तरां परमेश्वर वें फेर इस्राएलियां नें पासो दण्ड आल्यों , केम के अणें मूरत नीं आराधनां करीं। परमेश्वर वें अणनां दुश्मनं नें केदूं कें इस्राएलियां नें हरावों । अणवें फेर ऐक दाहणूं परमेश्वर थकीं मदद नें मागीं, अनें परमेश्वर वें ऐक अन्य नें छुटकारों नें आलवां नें हारु मोेक्ल्यों । अनें आं पदतीं घणीं दाहणूं दोहरावीं हें ,अनें इस्राएल पाप करतों गयों अनें परमेश्वर दण्ड आलतों अनें फेर इं पसतावों करतां ,अनें फेर परमेश्वर वें अणनें वसाड़वां नें हारु तारनारा नें मोकलें । घणां वरह मं परमेश्वर वें घणास तारनारा नें मोक्ल्यां जणवें इस्राएलियां नें दुश्मनु थकीं वसाड़ें।अनें मनखं वें परमेश्वर थकीं केदूं कें अमारें होदों हेतां देशं नें वाणयं राजां जूगें हें। अणनें ऐक ऐवों मुखियों जूगें हें जीं कें लाम्बों अनें ताकतवर अनें लड़ाई मं ताजीं वाट वताड़ें सकें। परमेश्वर नें आं दूवां सविकार नहें , पोण फेर होदो परमेश्वर अणनें जेवों राजां अणवें मागयों ऐवों आलयों।
बाइबल नीं वारतां मं न्यायियों 1-3, 6-8
