5 वायदां नों सोरों
जरां अब्राम अनें सारे कनान मं पोतें ग्यं ऐने वीस वरह थाई ग्या अणनें पेटे परिवार नहें। फेर परमेश्वर वें बेजीं वखत अब्राम थकीं वायदों करेंन केदूं कें तनें ऐक सोरों थाहेेंं अनें हरग मण्डल मं तारां नें वाणयं वदीं जाहें तरां अब्राम वें परमेश्वर नां वायदां नें माथें भरोहों करयों।अब्राम नीं बइयेर सारे वें केदूं कें मारें खोळों परमेश्वर वें बन्द कर देदों हें ,ऐतरें हूं तारां थकीं दूवां करुं हें कें तूं मारीं नोकराणीं हाजिरां कनेंं जां। अनें थकीं विवां करें लें कें मारों खोळों भरायें जायें।तरां अब्राम वें हाजिरां थकीं विवां कर लेदां । अब्राम थकीं हाजिरां नें सोरों थायों , अनें अब्राम वें ऐनूं नाम इश्माऐल पाड़ूं। अब्राम साहें हें कें इश्माऐल थकीं परमेश्वर आसीस आलें । परमेश्वर वें केदूं कें ''हूं ऐनें आसीस आलें , पोण इश्माऐल हें इं वायदां नों सोरों नहें। हूं मारीं वासा ऐनें हातें नहें बान्धवां नों।तारीं बइयेर सारें थकीं ऐक सारों थाहें। अनें इं वायदां नों सोरों केवायें हें । अनें तूं ऐनूं नाम इजाहक राखजें ,मारी वासा ऐेनें हातें थाहें , अनें इं ऐक मोटीं जाति थाहें । परमेश्वर वें केदूं कें हावूं तारु नाम अब्राम नहें रेवां नूं। पोण अब्राहम थायें गयूं हें, जेनूं अरथ हें-''धरमूल बां'' परमेश्वर वें सारें नूं नाम बदलेन सारां पाड़ू, जेनूं अरथ हें'' धरमूल आई ''जरां अब्राहम हों वरह नों थायों अनें सारां नेवूं वरह नीं , तरां सारां वें अब्राहम नां सोरां नें जनम आल्यों। अणवें ऐनूं नाम इसाहक राख्यूं, जिं कें परमेश्वर वें केदूं हेथूं।जरां इसाहक जोवन थायें गयों तरां परमेश्वर वें ऐम करेंन पारख करीं ''तारां ऐकलोतां सोरां ,इसाहक नें बलिदान सड़ाव। अनें फेर होदूं अब्राहम वें परमेश्वर नीं आज्ञां नूं पालन करूं अनें ऐनां सोरां नें बलिदान सड़वां नें हारु तेयार थायें गयों। तरां अब्राहम वें तों वेदीं नें बणावें नें लाखड़ नें भागें-भागें नें मेन्यां अनें ऐनां खुद नां सोरां इसाहक नें वेदीं नें ऊपर लाखड़ नें माथें बान्धें देदों। जरां अणां सोरां नें मारवां करें हें तरां परमेश्वर वें केदूं ''राकायें जां'' अणां सोरां नें माथें हाथ नें नहें बढावें एनें कई करें नहें । केम कें तें मारां थकीं तारां ऐकलोतां सोरां नें भीं नहें सोड़यों अनें तेनें थकीं हूं जाणें गयों हें कें तूं परमेश्वर नीं समक राखें हें । तरां अब्राहम वें ऐनीं आखं नें उपर करेंन अणें देख्यों कें ऐनें वाहें झाड़ीं मं ऐक घेटलूं फसेलूं हें । अनें अब्राहम जायेन तणां घेटलां नें लायों अनें ऐनां सोरां नें जगां मं बलिदान सड़ायूं। अने अब्राहम नें खुशीं नें हातें तणां घेटलां नूं बलिदान सड़ायूं। फेर परमेश्वर वें अब्राहम थकीं केदूं कें ''तूं मनें तारुं जिं हें इं हेथूं आलवां नें हारु तेयार थाई गयों ,आं हुदों कें तारां ऐकलोतां सोरां नें होदों तें नहें सोड़यों। ऐतरें हूं हासेस तन आसीस आलें ।'' अनें हासेस तारां परिवार नें हरग मं तारांगण वाणयं वगर गणतीं नां बढ़ावें, अनें दनियां मं हेथीं जातियां तारां थकीं धन्य थाहें केम कें तें मारीं वातं नें मानीं हें।
बाइबल नीं वारतां मं उत्पति 16-22
